Væl gekst at skera upp í dag. Grindin sum var funnin á Árnafirði, av einum manni, ið stóð uttanfyri húsini og vaskaði bil klokkan 01 í nátt, gav 1 1/2 skinn í part til tey, ið luttóku í rakstri og drápi.

Karl Johansen, sýslumaður sigur, at 31 fólk meldaðu til á landi við Borðoyarvík í morgun og 26  meldaðu til frá rakstrinum.

Bjarni Mikkelsen og onnur frá Tjóðsavninum vóru eisini við til uppskeringina og tóku royndir av hvalunum. Eina beinagrind og horn, ætlaði Bjarni Mikkelsen eisini at taka við sær til Savnið, tí ein granskari úr Týskalandi skuldi koma hendan vegin at gera onkrar kanningar av grindahavli.