Fýra línuskip og ein trolari royna friðarliga sína vinnu, men júst nú gjørdist farvatnið tó munandi vandamiklari.

Tey hava júst nú fingið at vita á VHF’inum, at tey skulu halda frástøðu, tí fleiri NATO-skip hava skotvenjingar og tað verður skotið við skørpum.

Tað eina NATO-skipið hava vit fingið upplýst var á knattstøðuni 63'10N og 010'49V. Hetta er besta fiskileið og skipini hava fullan reiðskap í sjónum, sum tey ikki hava møguleika at leggja á. 

Tað eina skipið sum Norðlýsið hevur tosa við, hevur fingið at vita frá Vørn, at á Vørn kenna tey einki til skotvenjingarnar!

Norðlýsið roynir at fáa eina viðmerking frá Vørn.