Sløkkiliðsbilurin vitjaði uttanfyri Mylnuhúsið, og børnini fingu møguleika at koma heilt tætt uppat, ímeðan Finn Hansen, sløkkiliðsleiðari, greiddi børnum frá. Tað var ongin ivi í, at fleiri komandi sløkkliðsfólk vóru í barnahópinum. Seinni framførdu børnini nakrar sangir fyri foreldrum og avvarðandi, og so varð bjóðað til kaffi, køku og ís.

Mylnuhúsið fer í summarfrí í viku 29, 30 og 31, men eins og undanfarnu árini verður summaransing skipað fyri teimum, sum fyrr í ár hava teknað seg til hetta tilboðið.