Ein túrur í Bjargamansdal eftir einari mynd
Tað er ikki altíð so lætt at fáa fatur á myndum til tilfar, ið vit geva lesarum okkarum í Norðlýsinum, sum vit geva ókeypis út í Norðoyggjum hvørja viku.
Her fyri brendu húsini í Bjargamansdali í grund eina náttina. Norðlýsið vildi hava eina mynd av restunum av húsunum. Hetta tí vit áður hava gjørt nógv burturúr Bjargamansdali og Skorini, ikki bert saman við núverandi eigarunum, men eisini saman við Jóhan Ziska Høgnesen, ið fyrr var festari av Skorini.
Ná men vit skuldu hava myndir. Lag á manni var at sleppa eystur leygardagin, tí tá bar til at fara við tyrluni saman við Hans Eriki Jacobsen og manning. Hendan dagin arbeiddu teir í Skúvadali við at fylla steintoy og annað inn í køkin, eins og teir fingust við at gera liðugt uppi á loftinum. Birgir Joensen var ein av teimum, og tá eg tosaði við teir áðrenn vit fóru av Klaksvík, so vildi hann gjarna hava konuna eystur við okkum. Tað fekk hann og Omi fekk sín fyrsta tyrlutúr. Hon letur forrtestin sera væl um túrin við tyrluni.
Í Norðlýsinum í dag, er viðtal við eigararnar í Bjargamansdali, tað søguna fáa tit í blaðnum, men við myndum lýsa vit túrin "eftir einari mynd" í Bjargamansdal: