Tunnlar og dagsins krøv
Nú kjakast verður nógv um tunnlar og serliga um hvørjir lúka dagsins krøv og ikki, settu vit stjóranum í Landsverk spurningin um nýggjastu Føtoysku tunnlarnir, sum í dag eru í brúk, lúka dagsins krøv.
Ewald Kjølbro, svarar soleiðis:
Verðandi undirsjóvartunlar hevur Landsverk góðkent við støði í teimum reglum og normum, sum vóru galdandi tá søkt var um loyvið at byggja tunlarnar.
Góðkenningin var grunda á ein meting um og framskriving av mesta ferðslu gjøgnum tunlarnar 15-20 ár fram. Eisini var góðkenning grunda á hvat vit ynskja í Føroyum (vega uppbygnað o..a). Ferðslu vøksturin, sum hevur verið síðani tunlarnar vóru bygdir, liggur framvegis innanfyri tað sum rokna var við tá tunlarnar vóru góðkendir.
Tunnilsnormarnar, sum Landsverk brúkar tá tunlar skulu byggjast ídag eru dagførdar síðani Váðatunnilin og Norðoyartunnilin var bygdur.
Um Vága- og Norðoyartunlarnar vóru bygdir í dag hevði tískil fleiri og herd krøv sett til eitt nú tunnilstrygd. Vit kunnu tískil ikki siga at verðandi undirsjóvartunlar liva upp til tey krøv sum verða settar til nýggja tunlar í dag, men tey liva framvegis upp til tey krøv sum vóru galdandi tá.
Viðmerkjast skal tó at tað ikki er vanligt at krevja at tunlar skulu dagførast, so hvørt sum nýggj og herd krøv verða sett til nýggja tunlar.