Formaðurin í Sambandsflokkinum, Bárður Nielsen, hevur fylt orrustuni í einasta almenna fjølmiðlinum, Kringvarp Føroya.

- Kringvarp Føroya er ein so týðandi stovnur fyri føroyingar at tað er ikki gott fyri nakran at stovnurin nú liggur í stjórnarloysi og sum skilst kann rúm tíð ganga áðrenn nøkur av fremstu ábyrgdarstørvunum verða manna aftur.

- Enn er ikki lýst eftir nýggjum stjóra og í løtuni bíða øll eftir at Mentamálaráðið skal taka avgerð viðvíkjandi kæru, sum fyrrverandi tíðindaleiðarin sendi ráðnum um avgerðina, tá hon varð flutt í annað starv.

- Eitt landsstýrið má til einhvørja tíð verða ført fyri at taka avgerð so at týðandi stovnar hjá landinum kunnu røkja sína uppgávu.

- Eg má minna landsstýriskvinnuna í Mentamálum á, at Kringvarp Føroya hevur alstóran týdning fyri fólkaræðið og sum ein tann fremsti mentunnarberi føroyinga. Tí er neyðugt at ráðið, sum varðar av stovninum til einhvørja tíð megnar at røkja sínar skyldur. Spurningurin er um løgmaður ikki eigur at umhugsað at taka landsstýriskvinnuna av ræði um hon ikki fær málið, sum liggur í ráðnum, avgreitt, so stovnurin framvegis fær virka.