Zalgiris Vilnius var betra liðið í Gundadali í kvøld, men KÍ spældi við og stóð fyri tað mesta væl í verjupartinum. Í opnum spæli kom Zalgiris Vilnius ikki til so nógvar stórar málmøguleikar, men uppá deyðbóltar vóru teir sterkir. Beint áðrenn hálvleik kom útiliðið á odda. KÍ javnaði í seinna hálvleiki við brotssparki frá Jóannes Bjartalíð. Men í fyrsta minutti av fýra, so fekk Zalgiris Vilnius sigursmálið. Bæði málini hjá Zalgiris Vilnius blivu skorað eftir hornasparksinnlegg.

Sostatt bleiv KÍ ikki fyrsta føroyska liðið, sum fekk stig móti einum liði úr Litava, hóast tað var nær við. Sæð yvir allan dystin, so var sigurin hjá Zalgiris Vilnius uppiborin.