Skiparin á Nærabergi ákærdur fyri útblaking av fiski
Sæmbært KVF stóð politiið á kajini í Fuglafirði leyðarkvøldi, tá skipið kom aftur frá fiskiskapi eftir svartkjafti.
“Løgreglan kom umborð á Næraberg, tá ið skipið kom á Fuglafjørð, og hevði ein lista yvir nøvn á manningini, sum løgreglan vildi tosað við, sigur Hanus Hansen í stuttari viðmerking við VP.”
“Tað er tó bara skiparin á Nærabergi, sum er skuldsettur í málinum. Eygleiðarin hjá Vørn hevur gjørt sínar kanningar umborð, og Vørn hevur latið alt sítt tilfar til løgregluna. Jóhan Simonsen, deildarstjóri, vil ikki upplýsa, hvussu stórar nøgdir av fiski, talan er um, sum skulu vera blakaðar fyri borð av Nærabergi. Jóhan Simonsen sigur seg ikki minnast líknandi mál um útblaking av fiski.,” skrivar heimasíðan hjá KVF.fo
Norðlýsið hevur biði um innlit og viðmerkingar, so meira verður at frætta seinri í dag.