Venjarin hjá Zalgiris Vilnius fekk spurning um, hvørjir leikarar eru teir týdningarmiklastu hjá KÍ. Valdas Urbonas segði á tíðindafundinum, at nummar 9 (Páll A. Klettskarð, blaðm.) var ein vandamikil álopsleikari, sum teir máttu ansa eftir. Eisini Justas Kontrimas, sum var millum tíðindafólkini frá Litava, segði eftir fundin, tá hann bleiv spurdur um týdningarmiklastu leikararnar hjá KÍ, at nummar 9 (Páll A. Klettskarð, blaðm.) var ein, sum var sannførandi og sum rann eftir øllum og royndi at skapa pláss. Báðir grundaðu teir sínar niðurstøður á fyrra dystin í Føroyum.

Venjarin nevndi eisini nummar 17 og 19 á miðvøllinum (Hørður H. Askham og Jákup B. Andreasen, blaðm.) eins og báðir nevndu miverjuparið (Deni Pavlovic og Ólavur Niclassen, blaðm.) sum leikarar, sum stóðu seg væl í fyrra dystinum.