Ber eitt lítið lot í Vilnius í morgin
Tað er ikki sama veðurlag í Litava, sum tað er her í Føroyum. Tað er stórur munur. Her í Føroyum er eru tað øll tey ferðasndi lágtrýstini, sum koma vestaneftir, sum gera av, hvussu veðrið er.
Í teimum baltisku londunum er meginlandsklima, vanliga støðugt veður – nógv kaldari um veturin enn í Føroyum, og nógv heitari um summarið enn í Føroyum. Ferðandi lágtrýst eru ógvuliga sjáldsom. Tó kann avbrot vera í tí støðuga veðrinum av teirri stóru upphitingini av lendinum, sum í løtum kann geva ógvusligt regn og torusláttur. Serliga um summarið.
Veðrið í annaðkvøld, tá ið KÍ skal spæla seinna dystin ímóti Zalgiris á graslíkisvøllinum á LFF Stadionas í Vilnius, fer at verða eitt lítið lot av vesturhallum-norði, minni enn 5 m/s. Hitin fer at liggja um 20 – 22 stig.
Seinnapartin í morgin og í annaðkvøld kann væntast skýggja loft við sólglottum, men eisini løtur við nógvum regni.
Luftin fer at kennast slavin at spæla fótbólt í, tí relativa vætuinnihaldið er so høgt.
Vit gleða okkum til dystin.
Koyr á KÍ.