KÍ fekk eina trupla byrjan og longu eftir 6 minuttum var 1-0 til heimaliðið. Men um miðjan fyrra hálvleik reisti KÍ seg og restina av dystinum skiftust liðini um at hava yvirtakið. KÍ javnaði í 65. minutti, tá Ronni Møller-Iversen við góðum langskoti javnaði. KÍ fekk eisini góðan møguleika at javna, men Hørður H. Askham skeyt uppum úr góðari støðu. KÍ kundi eisini havt tapt, tí tvær ferðir skallaði Zalgiris leikarar á yvirleggjaran. 1-1 var endaliga úrslitið.

Hetta má sigast at vera eitt flott úrslit fyri KÍ, hóast KÍ er úti. Hetta er fyrstu ferð, at nakað føroyskt felag fær stig móti liðum frá Litava. Tilsamans hava føroysk lið spælt 10 dystir móti liðum frá Litava. KÍ hevur sostatt í fýra Europa League dystum í 2018 skorað í øllum dystum og bara tapt ein dyst, har sigursmálið kom í yvirtíðini.