Zalgiris Vilnius gjørdist fyrsta liðið frá Litava, sum ikki vann ein dyst móti einum liði frá Føroyum. Venjarin var ikki nøgdur eftir dystin móti KÍ, sum endaði 1-1.

- Vit hava rokkið okkara málið at koma víðari. Dysturin var ikki lættur, og vit løgdu ikki nóg stóra orku í. At vit skoraðu tíðliga gjørdi, at okkara leikarar slappaðu av. Vit høvdu ikki nóg góðan tryggleika og mistu bóltin ov ofta. Tá mótstøðuliðið skoraði, so vaknaðu vit aftur og høvdu møguleikar at vinna dystin, har vit tvær ferðir raka yvirleggjaran, segði hann á tíðindafundinum.

- KÍ vóru betri enn í fyrra dystinum. Teir høvdu einki at tapa og tað var ikki lætt hjá okkum at stýra dystinum í dag. Vit gjørdu býtt mistøk og eg kann bara siga góð orð um KÍ og ynskja teimum góða eydnu í framtíðini, segði Valdas Urbonas.