Look North - 200 vaflu-portiónir úr bók Jonhildar til Sjómannadagin
Minnist eg rætt, so blívur tað til umleið 4000 vaflur. Tað er nakað tað, vit bakaðu seinasta ár. Vit telja ikki fólkini, sum vitja okkum á Sjómannadegnum, til kaffi, vaflir, rundvísing og ymiskt annað, men vit meta at onkustaðni ímillum 2.500 og 3000 vitjaðu okkum tann leygardagin, segði Árni Skaale, stjóri á Looknorth.
Umframt kassar, flot og mangt mangt annað, sum Looknorth framleiðir til vinnuna, framleiðir Looknorth eisini Kópakonuna í gávustødd og nýggjasta skotið á hesi greinini er føroyski leypurin.
Leygardagin verður høvi at síggja hvussu føroyski leypurin verður framleiddur í ministødd.
Til at nøkta tørvin á kaffi og vaflum, hava tey á Looknorth keypt inn 10 kaffimaskinur og 15 vaflujørn. So, tú kanst vera vísur í einari nýgjørdari vaflu og heitum kaffi tá tú vitjar inn á gólvið Leygardagin 18. august ímillum kl. 13.00 og 17.00.