Lýsing
Jógvan S fær øll loyvir aftur frá Fiskimálaráðnum
Frøðin er stór á Stoysoyra ídag. Fiskimálaráðharrin hevur avgjørt ikki at appelera dómin um Jógvan S, har Fiskimálaráðið tapti sakarmálið. Tíðindaskrivið frá Bjørn Kalsø fiskimálaráðharra er soljóðandi:
Landsstýrismaðurin í fiskivinnumálum hevur avgjørt, at dómurin í rættarmálinum viðvíkjandi afturtøku av fiski- og veiðiloyvinum hjá Jógvan S, ikki verður skotin inn fyri Eystara landsrætt.
Málið var viðgjørt á landsstýrisfundi í dag, týsdagin 13. apríl 2004, og fekk landsstýrismaðurin fulla undirtøku frá Landsstýrinum fyri hesum.
Dómurin, sum Føroya rættur feldi tann 30. mars 2004 í rættarmálinum móti Fiskimálaráðnum, gav Sp/f Nakki fult viðhald í málinum.
Føroya rættur staðfestir í dóminum, at upprunaliga tilsøgnin frá Fiskimálaráðnum um at flyta fiskirættindi frá Barinum og Skørini yvir á Jógvan S var í samsvar við ásetingarnar í § 8, stk. 3 í lógini um vinnuligan fiskiskap. Rætturin leggur stóran dent á, at ein borgari ella vinnufyritøka, sum hevur fingið eina tilsøgn frá einum almennum myndugleika, og sum síðani skipar sítt virksemi eftir hesum, ikki eigur at missa lógliga vunnin rættindi.
sigur Bjørn Kalsø, landsstýrismaður í fiskivinnumálum. sigur Bjørn Kalsø at enda.
Dómurin hjá Føroya rætti er at finna á heimasíðuni hjá Fiskimálaráðnum. www.fisk.fo
Seinastu tíðindini