Hørður hevur leingi staðið á ynskislistanum hjá Mikkjali
- Vit vilja hava teir bestu leikararnar til KÍ og tað fáa vit við Hørði, sigur ein fegin KÍ venjari.
- Vit vilja hava teir bestu leikararnar til KÍ og tað fáa vit við Hørði, sigur ein fegin KÍ venjari.
Í gjár kunngjørdi KÍ, at 22 ára gamli miðverjin Hørður Askham spælir við KÍ í 2017. Ein leikari, sum KÍ venjarin kennir væl frá síni tíð í B36, har teir arbeiddu saman árini 2011-2013.
- Tá vit styrkja liðið uttanífrá, so vilja vit hava teir bestu leikararnar til tey plássini. Tað fáa vit í Hørði, sum er ein sera dugnaligur leikari. Hann hevur góðan hugburð og hevur framvegis pláss fyri at mennast og kann gott koma at spæla uttanlands við hansara evnum. Tá eg kom til KÍ, so var hann ein av leikarunum, sum eg ynskti at fáa í hópin, so hann hevur verið eitt av hægstu ynskjunum allatíðina at fáa til KÍ, sigur Mikkjal K. Thomassen við Norðlýsið.