Marknaðargrundaða uppboðssølan í vaskið
Høgni Hoydal er ikki nøgdur við sína egnu uppboðssølu - ikki enn í hvussu er. Eftir øllum at døma keyptu teir skeivu fiskatilfeingi. Fyritøkurnar við eginkvotum er ikki ynsktar.
Uppboðssølan hjá samgonguni skuldi avdúka nýggjar aktørar, ið vildu inn í vinnuna. Nú fyrstu royndirnar hava verið, sæst at tað gjørdist ikki so.
Hetta er fiskimálaráðharrin Høgni Hoydal ónøgdur við og tískil skulu broytingar gerast. Í Dagur og Viku ígjár, boðaði fiskimálaráðharrin at fyritøkurnar, ið hava eginkvotur ikki skulu hava eins góðan møguleika at bjóða uppá fiskatilfeingi sum onnur.
Tað skal ikki serliga gott politikst tev til at staðfesta, at hetta luktar langan veg av, at uppboðssølurnar nú eisini gerast politisk útlutan, eins og menningarkvoturnar eru tað.
Marknaðargrundaða uppboðssølan hjá fiskimálaráðnum fekk ikki langt lív.
Sí samrøðuna við Høgna Hoydal í Kringvarpinum her.