Tað segði fútin, John Kølbæk, tá eg bara so hissini vildi hava eina mynd av honum og okkara Hans Ludvig Djurhuus.

“Er Hans ikki ov gamalur til hetta” spurdi eg hálvavegna í spølni, men fútin gav Hansi sera rósandi orð.  Nei, segði John Kølbæk, vit hava brúk fyri honum nógv afturat. Hans tekur sær nýggju asperantunum, sum koma av politistaskúlanum í Danmark.

Vit taka ímóti teimum fyrst í Havn, síðani verða teir sendir til Klaksvíkar til Hans at taka sær av teimum, at venja teir upp og kunna teir um føroysk viðurskifti. Hans Djurhuus er komin upp í árini, hann er 67 ára gamalur og hann er ikki á náttarvakt longur, men vit hava avgjørt stórt gagn av honum á føroyska politistaliðnum. - Nakað soleiðis fullu orð fútans á Kirkju, báðir beint lendir við tyrluni her teir skuldu vera til staðar í samband við krúnprinsafamiljuna.