KÍ málverjin Kristian Joensen ásannar, at KÍ hevur tað vanliga trupult á Skála.

- Tað verður ein trupul dystur, tí vit hava tað ofta torført móti Skála. Men vit mugu royna at gera okkara fyri at fáa trý stig. Eg veit ikki hvat tað er, sum ger tað so trupult hjá okkum á Skála. Men síðstu árini hava vit fleiri ferðir við neyð og deyð hálað ein eitt-mál sigur heim. Man kann vænta ein tættan dyst aftur hesaferð, har tað undanfarnu ár ikki hava verið so nógvir málmøguleikar, har eitt mál kann vera nokk at vinna dystin, sigur Kristian Joensen við Norðlýsið.

Dysturin á Skála millum nummar seks og tvey byrjar kl. 15.00.