Alt er klárt, og matskráin er skorðin niður til tríggjar ymiskar pizzur: Pepperoni, Hawai og Bolognese allar í 12” stødd, hetta fyri at tryggja so skjóta framleiðslu sum til ber.

Latið verður upp kl. 12, og hvør pizza verður seld fyri 20 kr. Ætlanin er at selja heilt til deiggið er uppi.

Pizza 67 hevur seinastu 20 árini verið ein nógv vitja familjumatstova, tí verður eisini okkurt til børnini hendan dagin, har vera ballónir og ein lítil gáva til øll børn, sum vitja. 

Sjálv matstovan hevur ikki opið fyri servering hendan dagin, bílleggingar verða ikki tiknar um telefonina og koyrt verður ikki út. 

Fyri at metta so nógv fólk sum til ber, kann man bert keypa eina pizza í part.