24 ára gamli Ronni Møller-Iversen kom til KÍ undan hesum kappingarárinum fyri at styrkja álopspartin eftir, at Albert Adu valdi at gevast í Føroyum. Ronni hevur spælt 19 dystir av teimum 22 í landskappingini, harav 13 frá byrjan. Hann hevur skorað tvey mál og lagt upp til fimm mál í 1133 minuttir. Ronni spældi ein stóran leiklut hjá KÍ í Europa League, har hann átti onkran leiklut í flestu av málunum hjá KÍ. Seinastu tíðina hevur Ronni havt trupult at vunnið sær spælitíð á besta liðnum, og á Skála var hann ikki í hópinum hjá KÍ. Leygardagin var hann á næstbesta liðnum frá byrjan.

Norðlýsið hevur fingið upplýst frá KÍ, at partarnir hava í dag í sátt og semju gjørt avtalu um at enda samstarvið.