Men ístaðin fyri at taka í egnan barm og biða okkum um umbering fyri grovu ákærurnar, velur Ingolf at vísa hvussu lítil maður hann veruliga er og loypir á sjógvin.

Nú átti Ingolf at vita, at tað er ikki heilt vandaleyst at loypa á sjógvin og tað sæst tíðiliga á skrivingarlagnum, at Ingolf hevur trupult at finna turr klæði at fara í, nú hann í heilum loypur á bláman fyri at avleiða uppmerksomheitina hjá høvuðstaðarpressuni og serliga veljarunum, tá spurnartekin verða sett við politisku frá-fordeilingina, sum landstýrið stendur á odda fyri. 

Í royndini at krógva hvussu vátur hann er og hvussu bítt tað var at leypa á sjógvin, gevur Ingolf nú mær skuldina fyri at hann er vorðin dýggjvátur. Hann sigur nú at Norðlýsið ikki vísti á hvussu vit høvdu roknað okkum fram til, at so at siga alt tilfeingið, sum Høgni Hoydal og Gestur Hovgaard bíttu út er enda hjá harra Ingolf S. Olsen sjálvum og hjá harra Paula Trond Petersen, háttvirda tingmanni, borgarstjóra og trúfastasta stuðulsmanni hjá Høgna Hoydal. Enn ein lygn frá vágatingmanninum.

Í endanum av greinini, sum fekk Ingolf at leypa á bláman har hann ikki grynti, vísti eg til brøvini, sum aðalstjórin í fiskimálaráðnum (red: ein skilamaður) sendi til tey, sum fingu fólksins ogn í gávu frá Høgna og Gesti.

Her hevur tú enn einaferð leinkjuna Ingolf og fá tær tín egna lummaroknara og ikki brúka tann hjá HH sum einans vísir tað úrslit sum eigarin vil síggja.  OG góði tú; ikki loypa aftur á bláman, tí tað tænir ongum at fáa karmar fleiriferðir sama dag:

 https://nordlysid.fo/upload/tinymce/da79e59aa80f8cf74bf16fde7be469bbad8c