Lýsing
Lýsing
Stórur munur, hvussu hitin er í luftini norðan fyri okkum og sunnan fyri okkum. Tær køldu og heitu luftnøgdirnar møtast um okkara leiðir - tí hevur verið vindur og regn.
|
Mynd: www.dmi.dk
Turrari seinnapartin
Regnumráðið (kuldabrúgvin), sum hevur ligið yvir okkum í dag, er komið av blanding av líggjar luft frá Miðalhavinum og kaldari luft úr Norðurkanada. Størri munurin í hita er í hesum luftnøgdum, meiri er regnið.
Kalda luftin trýstir ta heitu eystureftir, og seinnapartin er tað farið nóg langt frá okkum, at tað slítur í. Eftir tað kunnu ælingar væntast.
Saman við regninum hevur verið fitt av vindi fyrrapartin. Miðalvindurin hevur ligið um 20 m/s – í støðum hava hvirlurnar verið upp ímóti 30 m/s. Ættin hevur verið um útsynning-sunnan.
Vindurin er minkandi, nú farið er um middag gott og væl, og ættin gongur upp ímóti útsynningi og vestri.
Í kvøld er vindferðin 8 til 12 m/s úr útsynningi-vestri.
Seinastu tíðindini