Tað sigur skiparin á útróðrarbátinum Brandi, ið rør út av Hvannasundi. Janus Sørensen sigur, at seinasta vika royndist bara væl, 32.000 pund á fimm túrum við 45 stampum, so vit kunnu ikki annað enn vera nøgdir.

Vit hava roynt mest norðanfyri, men eisini sunnanfyri. Norðanfyri hevur størri parturin verið hýsa, men sunnanfyri hevur meira verið at fáa av toski.

Hesa vikuna hava vit gjørt ein túr og fingu 5.000 pund. Men nú sær ikki so væl út fyri restina av vikuni, tí veðurmenninir siga frá verri veðri og harafturat fer streymurin at harðna, men vit fáa at síggja, sigur Janus Sørensen.

Tá eg at enda spyrji hann um kalva, sigur Janus: "Nei, tað er so eigasørt, vit fáa onga spraddu og heldur ikki hevur verið nøkur skrubba at fáa nú eftir summarið".