Lýsing
Lýsing

Skúvadalshúsið til umrøðu í kvøld

SKRIVAÐ: Oliver Joensen  |  10.10.2018 - 15:50 Mentan Myndarøð Tíðindi Vinna

 

Í kvøld mikukvøldið 10. oktober klokkan 19.30 verður stevna sett øllum áhugaðum at koma í Uppistovu hjá Skótaliðið Nólsoyar Pálls. Øll fáa ein kaffimunn við onkrum afturvið og sjálvandi syngja vit eisini.

Gestabøkurnar: Olivur Thomsen kemur at greiða frá SNP-files, hetta snýr seg um Skúvadalsbøkurnar. Olivur hevur gjørt eitt stórt arbeiði við at finna fram gestabøkurnar, ið hava ligið í húsinum eysturi í Skúvadali. Bøkurnar ganga heilt aftur í 60-ini. Eisini hevur Olivur talgilt nógvar bøkur, soleiðis at tær eru tøkar á internetinum. - Áhugavert verður at síggja hvør hevur gingið har eysturi fyri 50-60 árum síðani.

Myndabøkur: Hans Hjalti Skaale hevur savnað saman myndir sum Oliver Joensen og aðrir hav tikið í meðan gamla húsið varð tikið niður og nýggja húsið varð bygt. Tað er vorið til tríggjar sera snotuligar myndabøkur við sera nógvum áhugaverdum myndum. Hesar verða eisini sil skjals mikukvøldið.

Hvat nú?Á kvøldinum verður eisini tosað um hvat er eftir at gera har eysturi og hvussu vit koma har til at vit siga at nú er liðugt við at byggja nýggja húsið. Sjálvandi fara vit eisini at tosa um leiklutin hjá húsinum í skótahøpi og kanska ikki minst um húsið sum eitt alment tilgongiligt hús úti í haganum burturi frá dagliga samfelagsmeldrinum. Leygardagurin 22. september skuldi eftir ætlan vera seinasti arbeiðisdagurin. Men hóast nógv arbeiðisfólk møtti, so var veðrið so sera vánaligt, at valt var heldur at gera okkurt uttanfyri í nógva regninum enn at renna inn og út. Tí er nakað eftir enn. Tað er ikki nógv, men tað skal gerast.

Sum sagt, so eru øll, sum hava áhuga fyri Skúvadalshúsinum og SNP sera væl komin við. Eisini tú, ið einaferð fyri mongum árum síðani skrivaði í gestabókina í Skúvadalshúsinum, vælkomin!

Niðanfyri nakrar myndir frá seinasta arbeiðsdegnum 22. september. Hóast menninir valdu at arbeiða uttanfyri, so lútaði Frida gólvið á loftinum. Uttanfyri var brúgvin umløkin gjørd føst og túnið bleiv gjørt liðugt. Áðrenn fari var heim, var nógva tilfarið ið liggur uttanfyri vetrartryggjað.

Lýsing
Seinastu tíðindini
"Ársins Rósa" - Seinasta freist í dag kl…
Siloakórið og Dania jóla­konsert
Útróðrarbátar­nir hava roynt norð­anfyri í…
 Sjúrður Skaale: Annita og Sirið siga ós…
Mjølnir jóla­kapping
Sjúrður Skaale: Sirið Stenberg helst sag…
Núpur landar á Kósini í morgun
Løgmaður má halda orð
Høgni Hoydal er líka snildur sum frekur
2. viðgerð av fíggjar­lóg­ini hevur stóran…
Eg nytti einki í mær sjálvum
Diamant­brúdleyp - Osla og Jóhannes
Elsebeth M. Gunnleygsdóttur fingið svar…
Høgni Hoyda: Eingin annar enn landstýris…
Klaksvík­ingar gjørt nýggjan sáttmála
Skemtiligur jóla­sálmur
Ein ivasamur heiður
Jólaguds­tænasta fyri barnagarðs- og vøgg…
Brúdleyp - Hilda og Jógvan
Anakronisma og ivasamar samanberingar