Lýsing

ABC á breddanum í barnagørðunum

SKRIVAÐ: Tíðindaskriv  |  10.10.2018 - 16:36 Myndarøð Tíðindaskriv

Í dag er altjóða sálarheilsudagur, og í hesum sambandi verður nógv gjørt burturúr ABC-verkætlanini hesa vikuna.

Í Dr. Margrethu barnagarði høvdu tey felagssamling í morgun, har Marjun Lassen, leiðari greiddi børnunum frá um sálarheilsu og um ABC fyri sálarliga heilsu. 

Høvuðsboðskapurin í ABC er at vera virkin, saman og hugbundin, og við útgansstøði í hesum, fingu børnini innlit í, hvat sálarheilsa er og hvussu ABC kann brúkast í barnagarðinum. Børnini í barnagarðinum tóku orðini til sín og dugdu væl at skilja týdningin av góðari sálarheilsu.

Gjøgnum dagin hava tey eisini verið røsk at vísa hvørjum øðrum áhuga og umsorgan, og starvsfólkini í barnagarðinum hava somuleiðis havt stóra gleði av eitt nú ABC-krabbagogguni, sum er góð at brúka til at seta hol á samrøður og hugnaliga samveru millum børn og vaksin.

Sjóneykan verður sett á ABC og sálarliga heilsu alla hesa vikuna, og leygardagin enda vit ABC-vikuna við tiltakinum "Gakk ella renn" fyri heilsuna, sum Treysti og Klaksvíkar kommuna skipa fyri saman. Tað tiltakið byrjar við Býráðshúsið á Nólsoyar Pálsgøtu 32 kl. 11 leygarmorgunin, og eftir túrin verður okkurt gott at fáa í Býráðssalinum. Øll eru hjartaliga vælkomin.

 

Lýsing
Seinastu tíðindini
Nýggjur styrkilisti
Mjølnir liðini í hálvfinalunum
Stjørnan vann á H71
Tað var ein sera góð tíð at vera barn í…
Jólini verða sungin inn í Árnafjarða kir…
Væl av fólki til jólatræið í Svínoy
Óarbeiðsførir fiskimenn, Krígssavnið og…
Atlantic Airways byrjar møguliga at flúg…
KÍ fingið nýggjan leikara
Mjølnir vann 3 - 0
Boris í uppskoti til ársins mál 2018
ÍF: Karl Løkin er okkara
H71 vitjar Stjørnuna og Team Klaksvík su…
Mjølnir kvinnur­nar spæla í dag
Føroya KFUK-skótar fegnast um stuðulin
Viðmerk­ingar til sending­ina Nón og spurn…
Jóla­konsert í Christians­kirkjuni
Guðstænasta í Christians­kirkjuni
Jóla­konsert í Soli Deo Gloria
Avbyrging kostar