Lýsing
Lýsing
Lýsing

Grønir bilar og svartari flota

SKRIVAÐ: Oliver Joensen  |  18.10.2018 - 09:49 Lesarabrøv Politikkur Tíðindi

Síðstu dagarnar hevur verið nógv  fokuserað  uppá grøna orku. Politikarar eru spurdir,  um teir fara at keypa nýggjan bil við grønari orku. Eg kann her upplýsa, at  bilar standa fyri 10 % av útlátinum.

Haldi at skipaeigarar hóskandi  skuldu blivið spurdir,  um teir hava ætlanir um at skifta skipini út.  Tað er ikki óhugsandi, at fiskakeyparar  kanska  einaferð í framtíðini fara  at seta krøv um  grønt stempul á fiskavørunum,  sum teir keypa. Vóni ikki tað verður meðan hendan samgongan situr.    Tað var her fokusið skuldi verið, um vit skulu  tosa um grøna orku, tí fiskiskip standa fyri 42 % av útlátinum.

Viljanum feilar onki.

Vit kenna tó svarið frá skipaeigarum frammanundan. Teir vilja gjarna endurnýggja flotan, men undir verandi umstøðum  hava teir  ongan  møguleika at byggja nýggj skip og tora heldur ikki.   Hava ikki fíggjarliga orku til tað.  Peningur,  sum skuldi blivið brúktur til nýggj skip fer ístaðin í landskassan sum tilfeingisgjald og uppboðssølugjald. Partur av hesum peningi verður m.a. eisini  nýttur til avgjaldslætta til grønar bilar.   Ístaðinfyri nýggj framkomin  skip í flotan og eina sterka kappingarføra vinnu,  so fáa vit  ein alsamt vaksandi almennan sektor.

Skiparoykurin gerst alsamt svartari

Fíggingarstovnar tora  heldur ikki at veita lán til skip,  tí alt er ótrygt.  Samgongan hevur koyrt  grús í maskinaríið, og roykurin gerst  alsamt svartari og svartari. Stórur partur av flotanum er gamal og niðurslitin og treingir til ábøtur og endurnýggjan. Øll londini rundan um okkum byggja nýggj supermodernaði skip, og vit her í Føroyum keypa gomlu kasseraðu skipini hjá teimum.  Við hesi gongdini verða Føroyar staðið har tey kasseraðu skipini enda.

Samgongan deilir út menningarkvotur, men tá tað kemur til at hava nýggjastu og bestu fiskiskipini á høvunum eru Føroyar nú blivnar eftirbátur.  Tað kunnu vit m.a. takka fiskivinnunýskipanini hjá Høgna, Aksel og Poul fyri.

Bara byrjanin.

Hetta er bara byrjanin og  gongdin má steðgast beinanvegin.  Tað gerst einans við at vit  fáa eitt borgarligt landsstýrið, sum er besta  trygdin fyri einum burðardyggum vælferðarsamfelagi.    

Elsebeth Mercedis Gunnleygsdóttur

løgtingskvinna

Lýsing
Seinastu tíðindini
Pison við kós á Flemish Cap
NEXUM til DM í íverksetan
Myndarøð: KÍ úti av steypakappingini
Triðja KÍ-tapið móti HB áðrenn flaggdagi…
Trý aðalstjórastørv leys at søkja
Býráðið roynt nýggja borðið
Burhan G á OY Voxbotn 2024
Formula umboðar Marel í Føroyum
15 landmátarar á skeiði
Várframsýning hjá Anniku
Loyvisgjaldið skal byggja á skattliga úr…
Báta- og Kampingpláss á Bátafestivali­num…
Myndarøð: Sjóvinnustevnan í Barcelona
Vikuskiftismøtir í Emmaus
Bjóðað verður til almennan fund í Svínoy
Framsýning á Skúlanum á Fossanesi
Okkara framtíðar Klaksvík
Býráðsfundur mikudagin 24. apríl
Søguløta á Klaksvíkar bókasavni
Upptakt: KÍ-HB