Upptakt: KÍ-TB/FCS/Royn
KÍ spælir í dag sín síðsta heimadyst hetta kappingarárið.
KÍ liggur í løtuni á 4. plássi, men kann við tveimum sigrum síðstu tvey umførini røkka einum 2. plássi, um B36 missir stig í einum av sínum dystum, har m.a. ein er móti føroyameistarunum HB.
Hjá KÍ spælir toppskjúttin og liðskiparin Páll A. Klettskarð sín síðsta dyst fyri KÍ á hesum sinni, nú hann eftir kappingina fer uttanlands. Eisini er stórur møguleiki fyri, at Hørður H. Askham spælir sín síðsta dyst fyri KÍ. Hjalgrím Elttør stendur uttan sáttmála næsta ár, men hann er skaddur, og tí hevur hann møguliga longu spælt sín síðsta heimadyst við KÍ á hesum sinni. Í løtuni er ógreitt, hvar Hjalgím spælir næsta ár. Hjá KÍ vóru Semir Hadzibulic og Deni Pavlovic uttanfyri seinast vegna skaðar. Hesaferð er møguligt, at í øllum førum annar verður tøkur.
Hjá TB/FCS/Royn hava liðskiparin Teitur Olsen og Poul Ingason leikbann. Búi Egilsson er ivasamur vegna skaða.
Dysturin í Klaksvík byrjar kl. 15.00 og dómari verður Jóhan Hendrik Ellefsen.