Veðrið í vikuni, sum kemur
Landsynningur og eystan fara at vera sjónskastu ættirnar í vikuni, sum kemur. Lágtrýstini fara at steðga yvir miðjum Norðuratlantshavi, soleiðis at vit her í Føroyum fara at fáa landnyrðingskvadrantin at merkja, og har eru vanligastu ættirnar ímillum landsynning og eystan.
Luftin kemur av leiðunum í miðjum Norðuratlantshavi, og hon er lýggj og slavin.
Men mánadagin fer ættin fyrst at vera útsynningur ella vestan – ikki nógvur vindur, 5 til 10 m/s um morgunin, sum so minkar niður í púrt einki nakað eftir middag. Logn. Um kvøldið veksur vindurin spakuliga aftur úr eystri ella landnyrðingi eystri – á midnátt eru 8 til 13 m/s.
Týsdagin er landsynningur-eystan, 5 til 10 m/s, skýggjað og regn – serliga um morgunin. Hitin týsdagin 9 til 11 stig.
Mikudagin aftur landsynningur, men eitt sindur meira vindur, 8 til 13 m/s – í løtum eitt sindur meiri. Skýggja og ælaveður allan dagin og sami hiti sum dagin fyri, 9 til 11 stig.
Hósdagin aftur aftur landsynningur, men út á dagin útsynningur-sunnan ella útsynningur eina løtu. Vindferðin fer at liggja um 8 til 13 m/s til nakað út á seinnapartin, tá fer at minka eitt sindur, meðan ættin fer yvir í útsynning-sunnan ella útsynning. Skýloftið fer at vera eitt bland: skýggjað, sólglottar og løtur við regni. Hitin hósdagin enn tanna sami, 9 til 11 stig.
Fríggjadagin er aftur landsynningur, 8 til 13 m/s – og skýggjað og regn og hitin 9 til 11 stig.