Reisigildi hjá Føroya Bjór
Vit høvdu brúk fyri meira plássi og hendan útbyggingin gevur okkum 1100 kvadratmetrar aftrat, sigur Einar Waag stjóri á Føroya Bjór
Fríggjadagin var reisigildi á Føroya Bjór. Einar Waag hevði boðið starvsfólkunum á Føroya Bjór og arbeiðsmonnunum hjá Norðhús, ið standa fyri byggingini, til eina hugnaløtu. Einar helt eina góða og skemtiliga røðu fyri fólkunum.
- Vit fingu byggiloyvi í 2006, men tíðirnar gjørdust ringar tá. Umstøðurnar hjá okkum hava ikki verið nøktandi, tað hevur verið ov lítið av plássi til okkara virksemi. Gin, Whisky og Akvavit eru millum okkara nýggju framleiðslur og hesar krevja nógv pláss, upplýsir Einar Waag stjóri á Føroya Bjór
- Útbyggingin fer at geva okkum 1100 kvadratmetrar aftrat, sigur Einar Waag, stjóri á Føroya Bjór.
Føroya Bjór hátíðarheldur í ár sín 130 ára stovningardag.