Hetta er heilt í tráð við tað eg havi sagt

Tað sigur Osmundur Justinussen, skipari, fiskimaður og reiðari, tá vit venda okkum til hansara, nú línubátarnir eisini fiska so ótrúliga nógv, í mun til mong ár frammanundan.

El Nino fyribrigdið var í topp seint í 2016, og i 2017 byrjaði at bragda hjá trolarunum. Teir høvdu eitt ótrúliga gott ár í 2017.

Nú í heyst er so túrurin komin til línubátarnar. útróðrarbátarnir boðað allastaðni frá sera nógvum fiski, eg hoyrdi um ein, sum mátti ganga frá línuni, tí báturin var fullur og nógv var eftir at draga, ja, tað var næstan so at tveir fiskar vóru á hvørjum húki, segði formaðurin.

Hetta verður helst fiskiskapurin í vetur, nú er bert at vóna, at tað heldur áfram sum longst og at toskurin ikki kemur heilt inn á firðirnar, tí vit hava sæð áður, at hann hevur gingið so nær at leita eftir føði, at hann er funnin deyður inni á reyðfiskaleið.