Fyrst legði forkvinnan, Mildrid á Lógv, ársfrágreiðingina frá skúlastýrinum fram. Síðan hevði Gitte Klein, lærari og master í positivari sálarfrøði, framløgu undir heitinum: Positiv sálarfrøði - hvussu kunnu vit nýta positiva sálarfrøði at skapa sálarheilsu og trivnað hjá børnunum?

Aftaná framløgur og kaffisteðg vístu Vagn Foldbo, skúlastjóri, og Símun Petur Hjelm, 1. varaskúlastjóri, foreldrunum runt í nýggja skúlanum, sum er undir bygging og væntandi kann takast í nýtslu við skúlaársbyrjan 2019. Eini 110 fólk møttu.