Lýsing
Lýsing

Jólasølan á Verkstaðnum á Brekku

SKRIVAÐ: Oliver Joensen  |  08.11.2018 - 14:12 Mentan Myndarøð Tíðindaskriv Tíðindi

Leygardagin 17. november, fara dyrnar á Verkstaðnum á Brekku á víðan vegg, tí klokkan 10 fyrrapartin letur árliga, vælumtókta jólasølan upp.

Umleið 45 fólk eru knýtt at verkstaðnum. Eini 13 starvsfólk og afturat teimum eini 32 arbeiðisfólk, ið hava skerdan arbeiðsførleika orsakað av menningartarni ella av øðrum avmarkingum. Arbeiðisfólkini arbeiða á verkstaðnum, summi klára seg næstan uttan hjálp, í meðan onnur skulu hava hjálp og ein partur skal hava hjálp til næstan alt.

Arbeiðisumstøðurnar her eru væl skipaðar, sigur leiðarin, Poulina Johannesen og heldur at samansetingin av arbeiðisfólki við ymiskligum førleikum riggar væl.

Norðlýsið var á vitjan mikudagin í vikuni ið fór, og vitjaðu vit eitt nú á Træverkstaðnum, har Andor og Símun Petur vóru manningin, teir arbeiddu av fullar kraft við at smíða plattar til vinnufyritøkur, Símun Petur segði okkum, at Kósin tók ímóti meginpartinum. Í kaffistovuni hugnaðu nøkur sær, ið júst høvdu fingið døgurðan niðurum og á ovaru hæddini arbeiddu tey við ymiskum, so sum knýting, brodering, seyming, máling og øðrum. Træverkstaðurin evnar eisini ymisk smáting til, sum verða málað og pyntað til her á ovaru hæddini.

Verkstaðurin á Brekku sigur um seg sjálvan:

Verkstaðurin á Brekku er partur av eind 9 í Trivnaðardepilinum.

Verkstaðurin á Brekku heldur til á Brekku í Klaksvík. Tilboðið er ætlað borgarum, ið bera likamligt ella sálarligt brek og sum ikki kunnu røkja arbeiðið á arbeiðsmarknaðinum undir vanligum treytum. tilboði er somuleiðis ætlað borgarum, sum hava stóran tørv á stuðli og hjálp í gerandisdegnum.

…Borgararnir framleiða ymiskar lutir m.a. plattqr til fiskivinnuna, kassar til Føroya Bjór, dukkuvognar, hillar, taskur, pútur, bundin pløgg og jólaprýði.

Verkstaðurin á Brekku hevur eina sølubúð, har lutir, sum eru virkaðir á Brekku, verða seldir - sigur Verkstaðurin á Brekku ium seg sjálvan.

 

Lýsing
Seinastu tíðindini
Jørgen spyr um Gásadals­tunnilin
Bill spyr um uppboðssølurnar
Maskinmeistara­felagið hevði aðalfund ley…
Fjøllini standa einsamøll úti. Ongin bjó…
Mjølnir á útivølli í kvøld
Hanna og Ingolf tykjast vera politiskt m…
Konsert við ársins kvinnuliga sangara
Bíblian á Føroyskum í sjeyti ár
Nevndin í Norðoya Tjóðveldis­felag skipað…
Bill spyr um musikkskúlan
Eydnuhjól í Skálanum
Varðin gjørt nýggjan virkisfilm
Síðsta Grand-Prix kappingin í ár
Fáið í lag virðiligar avtalur í friðartí…
Mótmælisskriv verður handað lands­stýrisk…
Heimsins besti svimjari til Vágs
Kommunala eftirlitið kallar leistin hjá…
Kunningarstovan flytir inn í handilshøli…
KÍ til Hoyvíkar
Listasavn Føroya sett nýggjan stjóra
Lýsing