Lýsing

Ferð á fullveldi

SKRIVAÐ: Hervør Pálsdóttir  |  12.11.2018 - 15:03 Lesarabrøv Politikkur Tíðindi

Í góð trý ár hevur Tjóðveldi verið við til at stjórna landinum og víst, at flokkurin er stjórnarberandi. Løgtingsval er um eitt lítið ár og sjálvsagt skal Tjóðveldi halda á fram í stjórn.

Samgongan hevur m.a. framt fiskivinnunýskipan, pensjónsnýskipan, broytt hjúnarbandslógina, barnaískoyti, hækkað lestrarstuðulin til hægri lesandi, byggingin av Havrannsóknarskipinum er byrjað, fryst blokkin og heimtikið persóns-, familju- og arvamál. Hetta eru bara nøkur av teimum mongu avrikunum hjá samgonguni, men hetta er als ikki nokk.

Alt ov fá mál hava verið á fullveldisleið. Føroyar hava ongantíð verið ríkar sum júst nú, og avlopið á fíggjarlógini er stórt. Tað er bara við at taka neyðugu stigini á fullveldisleið, at vit av álvara taka ábyrgd fyri okkara samfelag og tað er bert sum fræls tjóð, at vit av álvara kunnu skipa okkara samfelag eftir okkara fortreytum. Høvuðsmálið hjá komandi samgongu má verða at koma enn nærri fullveldi. Um ikki nú, nær so?

Vit eiga ikki at vera so bangin at snakka um loysing. Tað er lykilin til at tryggja okkara samfelag. At taka fullveldi yvir okkara landi er tað amboðið, vit skulu brúka, til at skapa karmarnar um eitt betri føroyskt samfelag. Fullveldi tryggjar okkum bestu ávirkan á egin viðurskifti, og letur dyrnar upp fyri betri altjóða samstarvi. Fullveldi snýr seg ikki bert um tjóðskaparligar kenslur, men um ábyrgdarkenslur. Vit mugu taka ábyrgd av egnum landi, fyri at skipa karmarnar til okkara fólk.

Til komandi samgongusamráðingar eigur Tjóðveldi at seta størri krøv til stig á fullveldisleið. Blokkurin skal strikast og ferð skal setast á heimtøkur! Komandi valskeið skal dómsvaldið og løgreglan yvirtakast.

Hervør Pálsdóttir

Forkvinna, Unga Tjóðveldið

Lýsing
Seinastu tíðindini
Skúvadals­húsið egið elverk
Kølið og ælaveður í dag
Uppstillingarfundur og hugni
Takk til Sambands­flokkin fyri sera jalig…
Norð­oyastevnu­framsýningin 2019
Vilja broyta nøkur konkret ting
Upptakt: KÍ-EB/­Streymur
Norð­oyastevnublaðið kemur mikudagin
Það er nauðsynlegt að sigla, en ekki nau…
Politikarar kappaðust í egningarskúri­num…
KÍ fekk stig í Sørvági
9 ár síðan Roysningu­rin Ári, vitjaði
Sonja kann bjarga Tjóðveldis­flokkinum
Sambands­flokku­rin aftur á Fólkating
Fríggja­dagin hitti borgar­stjó­rin borgars…
Rukkulakkin á Norð­oyastevnu
Jørgen lýsir fyrstu 20 dagarnar hjá Heði…
Hjálpar­fólk til Føroya størsta heilsutil…
#400 er klar til at opjusteres
Tveir KÍ-leikarar á U21-lands­liðnum