Nanna Knudsen nýggjur apotekari á Norðoya Apotekið
Nýggi apotekarin á Norðoya Apotekið, Nanna Knudsen, er útbúgvin farmaseutur í 2005 frá universitetinum í Keypmannahavn – og hon hevur starvast sum farmaseutur á apoteki í 12 ár. Síðani 2007 hevur hon arbeitt í tvídeildum starvið á Eysturoyar Apotekið og Norðoya Apotekið. Áðrenn hon flutti heim í 2007, arbeiddi hon á Trekroner Apotek í Valby, har hon millum annað hevði ábyrgdarstarv sum góðskuábyrgdari.
Hon hevur eisini røkt ábyrdgarstarvið sum góðskuábyrgdari á Norðoya Apotekið, og hevur havt ein týðandi leiklut í ISO 9001 góðkenningini av Norðoya Apotekið í 2014.
Hon hevði ein virknan leiklut sum strategileiðari í strategi tilgongdini hjá Apoteksverkinum í 2013.
Í 2017 var hon við í einari spennandi royndarverkætlan fyriskipað av Heilsu- og Innlendismálaránum innan heilivágsgjøgnumgongd fyri borgarar 65 ár og eldri, ið taka fleiri enn 4 sløg av læknafyriskipaðum heilivági.
Úrslitið vísti, at tað er ein fyrimunur at nýta apoteksstarvsfólk til eitt skipað tilboð til persónliga ráðgeving um heilivág og nýtslu fyri at trykkja skynsama heilivágsnýtslu.
Nanna hevur verið leiðmennari á báðum apotekunum, og tað amboðið er nógv brúkt í samband við útbúgving av farmakonomnæmingum og fakligu menningina av starvsfólkinum í Apoteksverkinum.
Nanna Knudsen hevur víðfevnda eftirútbúgving innan farmakologi, góðsku, leiðmenning og samskiftið.
Nanna hevur verið fyribils sett sum apotekari á Norðoya Apotekið og Eysturoyar Apotekið í fleiri umførum
Nanna tekur við starvinum 01.12.2018
Landsapotekarin er setunarmyndugleiki.