Av leiðaranum framgongur, at Norðlýsið heldur at landsbankin avgerð hvat Moody’s kannar. Hetta er skeivt.

Landsbankin skal bert vísa á, at Moody’s er ein óheftur amerikanskur kreidtmetingarstovnur og hvørki Føroyar ella nakað annað land sleppa at avgera, hvat Moody’s kannar í sambandi við teirra kreditmetingararbeiði.

Norðlýsi skrivar soleiðis:

“...og harafturat hevði Landsbankin biðið kreditt greinarafelagið Moody’s at meta um hvønn týdning nýggja fiskivinnulóggávan fær fyri landskassan – ikki vinnuna.”

Tað er somuleiðis faktuelt skeivt at skriva at landsbankin hevur biðið Moody’s at meta um, hvønn týdning nýggja fiskivinnulóggávan hevur fyri landskassan. Tað hevur landsbankin ikki gjørt.

Tað sum landsbankin hevur gjørt avtalu við ratingfyritøkuna Moody’s um, er at kreditmeta Føroyar, tað vil siga at meta um evnini hjá Føroyum at rinda skuld aftur. Hetta er ein avtala sum gongur heilt aftur til 2008. Men tað er tað einasta landsbankin hevur biðið fyritøkuna um.

So hvørt sum Moody’s almannakunngerð sínar frágreiðeiningar, lánførismetingar, tíðinaskriv v.m. verður tað lagt út á heimasíðuna hjá landsbankanum. Link til allar frágreiðingar er at síggja niðanfyri.

https://www.landsbankin.fo/fo-fo/gjaldfoeri-og-skuld/skuld/rating-fragrei%C3%B0ingar