Brandur H. Olsen, sum áður hevur leikt við FCK, men sum nú hevur spælt við FH í Íslandi, hevur eisini eina fortíð í KÍ í 2010. Hann hevur ikki spælt nakran skrásettan dyst, men royndi seg í einum venjingardysti.

- Eyðun Thorgeirsson setti seg í samband við meg, og so spældi eg tveir venjingardystir við KÍ. Hetta var eitt slag av royndartíð. Í B71 var trupult at manna lið um hetta mundi. Tá hevði KÍ stórar ambitiónir við at fáa fleiri ungar leikarar til felagið. Eg minnist, at vit spældu ein dyst, har vit vunnu stórt og ein, har vit vunnu á B36. Eg skoraði eitt mál fyri KÍ tann annan dystin. Stutt eftir kom FCK inní myndina, har eg fór at royndarvenja. Hevði tað ikki komið fyri, so veit man ikki, hvat hevði hent, segði Brandur H. Olsen við einum smíli við Norðlýsið eftir venjing í Baku.

Brandur H. Olsen spælir væntandi frá byrjan á vinstra vongi í morgin móti Aserbadjan.