Norska stjórnin vil hava fleiri fólk at eta vælsmakkandi hvalakjøt
Norski ráðharrin í fiskivinnumálum, Harald T. Nesvik, hevur latið hálva millión N.krónur til marknaðarføring av norskum stórhvalakjøti.
- Hvalakjøt smakkar sera væl! Men tíðanverri eru nógvar mytir knýttar at hvalakjøti. Vit hava brúk fyri meira vitan og betri marknaðarføring av hvalakjøti, soleiðis at fleiri fáa eyguni upp fyri hesi framúrgóðu matvøruni, sigur norski fiskarríministarin, Harald T. Nesvik.
Felagsskapurin Norsk Hval fær 500.000 Nkr í stuðli frá fiskimálaráðnum og pengarnir skullu m.a. brúkast til marknaðarføring. Norra eru eitt av sera fáum londum, sum framvegis hava eina vinnuliga hvalaveiðu. Talan er um veiðu eftir sildreka og sildrekastovnurin er mettur til meira enn 100.000 hval í noirskum sjógvi. Í ár hava norrmenn higartil veitt 454 hval av kvotuni sum er tilsamans 1278 hval.
- Norska hvalaveiðan er burðardygg og er sera væl regulera og tí er eingin vandi fyri stovninum ella vistfrøðiligu skipannini, sigur norski fiskimálaráðharrin.
Kelda: Heimasíðan hjá norska fiskimálaráðnum.