Skortarnir undir Eggini
Ein túrur av Flesjum til Kópakonuna.
Seinnapartin í dag, fóru vit báðir Oliver og Olivur, systkinabørnini ein føðingardagstúr til Mikladals. Orsakað av okkara tilnýtið til standmyndina av Kópakonuni, var ein vitjan við Stóra Kneysa í fjørðuni í Mikladali sjálvandi eitt must.
Hóast sera vánaligar umstøður hjá myndatólinum, var tað sjálvandi við og her niðanfyri eru nakrar myndir frá túrinum.
Sólin stríddist at koma undan við hvørt, men fyri tað mesta vóru grovir ælingar. Komnir nakað oman trappurnar í Mikladali, var ikki ráðiligt at fara oman á helluna, tí vit kendu okkum ikki heilt álvuligar orsakað av veðrinum. Nakrar myndir bleiv tað tó til. Mest áhugaverda motivið í dag, vóru helst skortarnir undir Eggini og brimið við Strandmannaklettar.
Njótið myndirnar:
PS: Føðingardagsbarnið var triði maðurin í Kópakonutoyminum, Ólavur Samson.