Norðlýsið við hondbóltslandsliðnum
Norðlýsið verður lisið kring allan knøttin. Tá kvinnulandsliðið leikti HM-undanundankapping í Sveis herfyri, hevði ferðaleiðarin Hanna Thomsen fingið sær blaðið í hendurnar. Forsíðusøgan hevði hennara stóra áhuga og tað ikki av ongum.
Tú kanst taka damuna úr Klaksvík, men tú kanst ikki taka Klaksvík úr damuni. Hanna Thomsen er búsitandi í Sveits og hevur hon búleikast har í 30 ár. Hanna Thomsen er ættað úr Klaksvík er dóttur til Dánjal Thomsen og Hansy Thomsen, sálu.
Tá hondbóltslandsliðið hjá kvinnunum leikti HM-undanundankapping í Sveits herfyri, var Hanna ferðaleiðari hjá føroysku kvinnunum.
Á veg til ein av dystunum hevði Hanna leitað sær útgávu nr. 42 av blaðnum hjá Norðlýsinum. Hanna læs blaðið við stórum áhuga og tað var ikki av tilvild. Forsíðusøgan var nevniliga um systir hennara Agnas Olsen, ið stóð føst í Leirvíkslíð eina heila nátt. Hendingin fór fram í 1979 og Norðlýsið skrivaði um tilburðin tá.