Í gjárkvøldið skipaði Klaksvíkar Tónlistaskúli fyri hugnaligari jólakonsert. Nógv foreldur og onnur vóru møtt og ikki kann sigast annað enn at næmingarnir hava fingið nógv burturúr undirvísingini á Tónlistaskúlanum. Takast skal við, at hóast summir av næmingunum byrjaðu upp á undirvísing so seint sum í heyst, so megnaðu teir tó at vísa okkum, at teir vóru komnir væl á leið framá í tónlistini.

Til jóla plaga næmingar frá Tónlistaskúlanum vitja á sambýlum, sjúkrahúsinum og røktarheiminum, og tað verður eisini gjørt í ár.

Helga Gerðalíð, leiðari á Tónlistaskúlanum sigur, at næmingarnir fara at luttaka á Norðurljóð, leygardagin, á hugnaløtuni í Christianskirkjuni og á Jólakonsertini í Ósá skúlanum sum verður hósdagin í komandi viku klokkan 17.

Niðanfyri nakrar myndir frá í gjárkvøldið: