Lýsing
Lýsing

Rasmus Seebach kemur til Klaksvíkar

SKRIVAÐ: Tíðindaskriv  |  07.12.2018 - 17:38 Tíðindaskriv

Hittkongurin spælir ársins poppkonsert á Summar Festivalinum

Stórseljandi og virðislønti Rasmus Seebach spælir á Summar Festivalinum 2019.

Tað boða fyrireikararnir frá í dag.

Rasmus Seebach er helst størsta poppnavnið í kongaríkinum. Hann fekk gjøgnumbrot við sanginum »Engel« í 2009, og síðani hevur hann skrivað eitt hitt fyri og annað eftir – sangir sum »Olivia«, »Lidt i fem«, »Natteravn«, »I mine øjne«, »Glad igen« og »Nangijala« bara fyri at nevna nakrar.

Rasmus Seebach er tann fólkakæri poppsangarin, sum er framúr á pallinum, hann har hann spælir saman við sínum stóra og væl spælandi bólki. Tónleikurin er tíðarleysur og fangandi poppur, sum fólki í øllum aldri dámar.

Rasmus Seebach spældi á Summar Festivalinum í 2011, og tað er framvegis ein av bestu konsertunum, sum hevur verið á festivalinum. Síðani hevur Seebach givið fimm útgávur út, og nú er hann til reiðar at koma aftur til Føroya at spæla konsert. Tað verður sjálvsagt á landsins størsta palli á Vágsbø.

– Seinnu árini hava vit javnan tosað saman, og Rasmus Seebach vildi sera fegin aftur til Føroya at spæla. Nú bar til hjá báðum pørtum at gera eina avtalu um framførslu. Tað eru vit sera fegin um, tí Rasmus Seebach er eitt av størstu poppnøvnunum á okkara leiðum og passar sera væl til Summar Festivalin, sigur Erik Biskopstø, sum er ein av fyrireikarunum.

Summar Festivalurin verður hildin dagarnar 8. til 10. august 2019. Forsøla er í Telebúðum og á heimasíðuni sf.fo.

 

Lýsing
Seinastu tíðindini
Í morgin kl. 14:30: Grønari flog- og fe…
Soleiðis umsita polittikarar pening borg…
Gekkakvøld og Tónleikacafé í Café Gloriu
Í morgin kl. 15.00: Steffen Gram - Eta…
Í morgin kl. 14: SEV - Grønar Føroyar
Flemish Cap í Spinnaríðnum
At uppfinna djúpar tallerkar av nýggjum
Unga Astrid - í Atlantis Bio í kvøld 22:…
Nýggjar ljósmastrar við Djúpumýru
Legendskvøld í Spania­stovu
Afturhvarv – í kvøld kl. 19:30
Grillparty við Rudolf og Jákup
Fríggjadagur: Skráin í dag
Steintór Ramussen og sangskrínið
Tað vóru nøkur skríggj í bilinum – og so…
Tjóðveldi stillar upp til Fólka­tingið
Rættindahavarar skulu við lóg gjalda
Eyðun av Reyni hevur listaframsýning í K…
KÍ, HB og GÍ hava vunnið Klaksvíkskappin…
Tilmeldingardagur hjá KÍ verður fríggjad…
Lýsing