Í gjár, tann 7.desember, kom greitt svar frá landsstýriskvinnuni, at hon eftir at hava fingið spurningin, tók avgerð um, at gera broytingar í kunngerð og vøruskránni beinanvegin. Vøruskráin kemur fyri løgtingið í næstum, og tá er ætlanin, at flyta ljóðbøkur úr vøruflokki 8523, sum rindar meirvirðisgjald í sambandi við sølu ella innfluting, og í vøruflokk  4901, sum eru vørur frítiknar frá MVG.

Politikkur er viðhvørt stór tøk og stórar broytingar, men politikkur er eisini at fylgja við í sokallaðum smáum málum, har støðan hjá borgarum kann bøtast við smærri rættingum. Hetta er eitt tílíkt dømi.

Men arbeiðið við at styrkja um støðuna hjá føroyskum ljóðbókum, til gagns fyri mangar føroyingar, er als ikki komið á mál hervið. Vit hava eina nýggja frágreiðing frá Ljóðbókatænastuni hjá Føroya Landsbókasavni, har m.a. verður mælt til, at:

- at seta arbeiðsbólk at orða neyva ætlan fyri ljóðbókaøkið 

- at seta verkætlanarstarvsfólk at samskipa arbeiðið og greina avbjóðingar viðvíkjandi rættindum, tøkni, arbeiðshátti, v.m. í framtíðini

- at avgerð verður tikin, um Ljóðbókatænastan framvegis skal gera skúlabøkur til ljóðbøkur, ella um NÁM skal taka yvir hesa uppgávu

- at seta hóskandi játtan av til økið, so 25 % av føroyskum bókum kunnu verða framleiddar sum ljóðbøkur

Lesið spurningar og svar her: https://logting.fo/casewrittenquestion/listDoc.gebs?caseWrittenQuestion.id=848&menuChanged=55

Nú fyrsti smásteinur verður tikin úr skógvinum, so má ferðin setast upp á hesum teininum, har vit renna fyri sakini føroyskar ljóðbøkur!