Norðoya Kunningarstova sigur í morgun, at gávukortið hjá Klaksvíkar Handilsfelag er nógv umbiðið. Beint í morgun hava vit fingið ein ordra upp á eini 50-60 kort. Harafturat eru fólk inni hvønn dag eftir kortum.

Kunningarstovan biður okkum siga viðskiftafólki frá, at um onkur fyritøka biður um nógv kort, so er at siga frá í góðari tið, tí tað tekur eina løtu at tøppa upplýsingarnar inn í kortið, sum skulu til. Men um talan bert er um nøkur fá kort, so er ongin trupulleiki at koma inn á Kunningarstovuna og fáa kortið ímeðan bíða verður.

Tað sýnist at vera blivið eitt "hit", at geva gávukort í jólagávu.