Lýsing
Lýsing

Føroyar og Noreg gjørt semju um fiskiveiðiavtalu fyri 2019

SKRIVAÐ: Tíðindaskriv  |  14.12.2018 - 09:15 Tíðindaskriv Vinna

Føroyar og Noreg eru komin ásamt um avtalu um sínámillum fiskiveiðirættindi fyri 2019. Londini bæði vóru á einum máli um at varðveita støðið í avtaluni, og bert smávegis broytingar eru í kvotabýtinum í mun til 2018.

Føroyska kvotan av botnfiski í norskum sjógvi hækkar við 200 tonsum í 2019. Føroysk skip hava harvið 4.610 tons av toski, 1.075 tons av hýsu, 500 tons av upsa og 400 tons av øðrum fiskasløgum í norskum sjógvi í 2019. 

Umframt kvotabýtið fáa føroysk skip atgongd at fiska 3.450 tons av toski og 300 tons av hýsu, sum eru fingin til vega í sínámillum avtaluni millum Føroyar og Russland, í norskum sjógvi.

Fyri norsk skip vóru smávegis tillagingar í kvotunum. Kvotan av blálongu og longu og kvotan av brosmu hækka samanlagt 220 tons, ímeðan upsakvotan lækkar 50 tons. Aðrar botnfiskakvotur verða óbroyttar í mun til 2018. Føroyar gingu á møti einum norskum ynski um at økja um loyvdu hjáveiðuna pr. dag, men loyvda hjáveiðan pr. túr verður óbroytt.

Norska makrelkvotan í føroyskum sjógvi í 2019 verður óbroytt 5.979 tons, meðan atgongdin hjá norskum skipum at fiska svartkjaft í føroyskum sjógvi í 2019 verður 30.000 tons ímóti 32.640 tons í 2018.

Sum liður í avtaluni um makrel hava Føroyar og Noreg 29. november gjørt avtalu um atgongd at fiska makrel. Londini kunnu sambært hesi avtalu fiska 28.819 tons av makreli hvør hjá øðrum.

Andras Kristiansen var samráðingarleiðari fyri Føroyar, og Ingrid Vikanes var samráðingarleiðari fyri Noreg. Tey skrivaðu undir avtaluna millum Føroyar og Noreg seinnapartin hósdagin 13. desember.

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin