Christian J. Jacobsen, stýrimaður á Volunteer og ein av eigarunum,, sigur at fiskiskapurin hjá teimum hevur roynst sera væl í ár.

Fiskur er allastaðni, sigur Christian J. Jacobsen og tað hugaliga er, at vit fáa fisk í øllum støddum. Árini frammanundan hevur tað nevniliga verið so, at vit hava næstan ikki fingið greipufisk, hvørki av toski ella hýsu, men nú er broyting komin í. Orsakað av at vit fáa smátt eisini hava vit eina vón um, at hetta fer at halda áfram. Christian J. Jacobsen sigur, at hann hevur verið línumaður burturav í 53 ár og heldur, at vit skulu fiska nú fiskur er á grunninum.

Volunteer er í bólkinum 4B og tað er valla hent áður at ein bátur í hesum bólkinum hevur fiska fyri meira enn 10 milliónir.

Á Føroya Sjómannadegi hevur Voulunteer vunnið heiðurstekin fyri mestu veiðu ella mest í virði átta ferðir.