Tó at væl av vindi var, var væl sjógvað og besta ætt á Eiðnum. Og fleiri høvdu leitað sær at vera við til høvið.

Tí at ætttin var so trá av landsynningi, varð valt at hava haldið inni í kirkjuni, sum var skilagott.Tað var hugaligt í fjálgu kirkjuni við heili 40 áhoyrarum.

Klaksvíkar Hornorkestur spældi frágera væl og setti sum altíð ein serligan jóladám á. Regin Olsen, sum jú er ættaður úr Svínoy hevði eina sigandi og góða røðu í kirkjuni m.a. um hvussu hann mintist jólini sum ungur í Svínoy.

Tað var sera hugaligt hvussu væl varð tikið undir við tiltakinum. Sum sagt vóru 40 fólk í kirkjuni og inn aftur við Rituni vóru 20 fólk, eftir at hava fingið ein góðan drekkamunn í lærarahúsunum. Tað er fløvandi við slíkari vitjan upp undir jól, har eisini prátið og søgurnar vóru nógvar.

Við í ferðini var eisini sendistøðin, Starabúrið, so har fer nokk eisini at bera til at hoyra frá haldinum