Lýsing

Betri samband til bygdirnar í Kalsoynni

SKRIVAÐ: Oliver Joensen  |  08.01.2019 - 16:29 Mentan Myndarøð Tíðindi Vinna

Hilmar Eliasen, stjóri á Stranfdferðsluni sigur í viðtalu í dag, at arbeitt verður við, at bussur skal koyra til og frá Sam hvørja ferð Sam er á Syðradali.

Vit mugu ásanna, sigur Hilmar Eliasen, at vegakervið í Kalsoynni er ikki gearað til at Sam framhaldandi oysir alt fleiri og fleiri bilar inn í oynna í summarhálvuni. Eitt er at tað er trupult um bussar møtast á veg suður og norð, men tað eru eisini stórir parkeringstrupulleikar í bygdunum til allar bilarnar. Tí fara vit í samstarvi við Klaksvíkar Kommunu at arbeiða fram ímóti at regluligt bussamband skal vera til og frá Sam hvørja ferð skipið er í Kalsoynni.

Nú hava vit upplivað eitt slíkt “boom” av ferðafólki inn í oynna, síðani kópakonuna, og nú Kalsoyggin er partur av Klaksvíkar Komunu, so halda vit at tað er rímiligt at Klaksvíkar Kommuna eisini er partur av bussflutninginum í kommununi, ein bussruta til allar túrar hjá Sam kostar um 7-800.000 um árið.

Tá eg spyrjið Hilmar, um nær vit kunnu væntað at hetta fer at virka, sigur hann, at enn er onki fastlagt, men at Strandferðslan arbeiðir fram ímóti at hetta kemur at virka áðrenn ferðamannastreymurin byrjar í vár.

Sam týsdag og hósdag

Tað hevur verið eitt sterkt ynski hjá íbúgvunum í Kalsoynni at fáa Sam at sigla klokkan 10 týsdag og hósdag, eins og hann ger hinar dagarnar í vikuni. Tað hevur serliga verið fyri ferðavinnuna í oynni, tí ferðafólk, ið halda til í høvuðsstaðarøkinum ella aðrastaðni í Føroyum koma vanliga ikki norðureftir fyrr enn um 9-10 tíðina og tá einki samband er í Kalsoynna hesar dagar uttan kl. 08 um morgunin og 14.50 seinnapartin, so velja ferðafólk ofta Kalsoynna frá hesar dagar.

Møguliga annað skip

Tá vit spyrja Hilmar Eliasen, stjóra á Strandferðsluni um hetta sigur hann, at Strandferðslan ikki kann binda Sam so nógv, tí stórur tørvur er á skipinum til fluttningsarbeiðið kring um á rutunetinum hjá Strandferðsluni. Í útgangsstøðinum arbeiða vit sum sagt við tørvinum hjá teimum, sum búgva á útoyggjunum í Føroyum. Men nú hava vit fingið eina nýggja uppgávu við økta ferðafólkastreyminum, so í ljósinum av tí, arbeiða vit eisini við møguleikanum at finna eitthvørt annað skip at sigla hesar tíðir týsdag og hósdag. Tó talan er ikki um at leiga nakra bilferju, men eitt skip, ið ann sigla ferðafólk um fjørðin.

Nýggja ferju í 2020

Í løtuni arbeiða vit sum kunnugt við at byggja eitt nýtt avloysaraskip, sum millum annað skal loysa tørvin inn í Kalsoynna, sigur Hilmar Eliasen at enda.

Lýsing
Seinastu tíðindini
Norð­oyggjar í rangastrúpan?
Um KÍ kemur víðari: Møgulig mótstøðulið
Súsanna Lydersen nýggj forkvinna hjá St…
SEMJA í málinum um setan av forstjóra og…
Borgar­stjó­rin fegnast um nýggja graslíki…
Graslíkið tikið av
Open by night í Klaksvik
Eitt vakurt summarkvøld
Peningastovnar­nir læna mest út til húsar…
Articon og IRF í felags verkætlan
Grein 52 a fyrispurn­ingur til landsstýri…
Moralska kumpassin
Menningar­kvotur til Sandoynna tað einast…
Ófør at fáa børn, men ikki at hýsa
Verða menningar­kvotur­nar goymdar til val…
4 milliónir døgurðar um dagin!
KÍ havt sína síðstu venjing á hesum gras…
Dropi í lívsins havi
Heilsan – hitt nýggja stættar­stríðið
Nalja spælir á festivali!