Dimmi lættir í høvuðsstaðnum
Hóast lítið og einki hevur verið at frætt í høvuðsstaðarpressuni um ruðuleikan, sum valdar í Fiskimálaráðnum og í vinnuni í samband við menningarkvoturnar, so hevur fráfarandi blaðstjórin á Dimmalætting, Georg L. Samuelsen, eina óvanliga bersøgna oddagrein í Dimmu fríggjadagin.
.... Í fjør vóru so menningarkvoturnar bíttar út eftir mikið rumbul og stríð. Nøkur øki í landinum vóru vald frá bara tí tey ikki vóru mett at hava brúk fyri meira, hóast tey baði høvdu skip og annað klárt til endamálið. Men tað er synd at siga at útlutingin endaði væl......
.... at heili 83% av útlutaðu menningarkvotunum í 2018 als ikki eru fiskað.....
... og meðan okkurt samtak misti sín rætt til menningarkvotu tí tey ikki høvdu spurt um loyvi at landa á Havsbrún, so sleppa onnur at halda fram hóast tey landa til Havsbrún – men tey hava fingu loyvi til tað frá Fiskimálaráðnum. Júmen, úrslitið er neyvt tað sama – kvoturnar verða ikki brúktar til menning men bara til tað sama sum øll hini reiðarríðini gera.....
.... Víst hava nøkur samtøk gjørt íløgur fyri at fáa part av hesum tilfeingi, og tey skulu hava loyvi at virka tað tíð loyvi varar, men so eigur skipanin at verða tikin av ella umløgd fullkomiliga.