Fyrrverandi løgmaður finst at atgerðarloysinum hjá sitandi Løgmanni
Fyri kortum gjørdi Jóannes Eidesgaard greitt at Aksel V. Jóhannesen, løgmaður, átti at tikið í herðatoppin á Sirið Stenberg í samband við at landsstýriskvinnan einsamøll kanska hevur forkomið einum møguleika hjá føroyska Heilsuverkinum at fáa hendir á hundraðtals milliónum av kærkomunum granskingarpengum.
LES HER: Jóannes Eidesgaard: Løgmaður má taka í herðatoppin á Sirið Stenberg
Í Radaranum hesa vikuna hartaði hann aftur sitandi Løgmann fyri atgerðarloysi í samband við landstýris kvinnuna í Mentanarmálum.
Staðfest er at stýrisskipanin er brotin. Tað eru allir partar samdur í. Tí skilji eg ikki hví løgmaður skal hava eina løgrøðiliga kanning.
Í Danmark síggja vit at tað kemur ikki fyri at misálit verða løgd fyri Fólkatingið, tí áðrenn tað kemur so langt hevur statsministarin skift ministaran út, segði Jóannes Eidesgaard m.a..
Ikki politiskt morð
Fyrrverandi løgmaður vísti á at hóast man verður koyrdur frá sum landsstýrisfólk, so merkir tað als ikki at viðkomandi er liðug í politikki. Tvørturímóti er einki sum forðar fyri at viðkomandi persónur aftur kann gerast landsstýrisfólk.