Lýsing
Lýsing
Soleiðis gongur tað fyri seg, tá ið mánamyrking er. Mánin fer inn í skuggan frá jørðini, so at sólarljósið ikki sleppur at mánanum men fer í einum boga til mánan. Tá ið sólarljósið soleiðis boygnar, verður tað reytt á at líta. Hetta er ikki óvanligt at síggja í sambandi við sólarris ella sólsetur.
|
Mynd: www.earthsky.org
Blóðmáni í nátt
Fullmáni er í morgin ári. Torrasól.
Hesaferð er samstundis blóðmáni - ljóðar eitt sindur ófrættakent, men hetta er mánamyrking, tá ið mánin fer inn í skuggan frá jørðini - sí myndina omanfyri
Klokkan 02.36 fer mánin inn í hálvskuggan (penumbra). Skuggin fer at flyta seg úr upp eftir mánanum. Tað fer at taka beint undir ein tíma, so er mánin eitt sindur myrkari at síggja.
Klokkan 03.34 fer mánin inn í skuggan (umbra), og byrjar so tað reydliga ljósið at taka seg upp eftir mánanum. Klokkan 04.41 er allur mánin reyður.
Tann reyðasti liturin er klokkan 05.12.
Klokkan 05.43 fer mánin at lata seg úr tí reyða litinum úr erva og niðureftir.
Seinastu tíðindini